谷婭溦食茶記引衝突被網民狂鬧　真相原來係有個客做咗呢樣！

歌手谷婭溦(Vivan)在內地人氣高企，經常在小紅書拍片分享生活，日前谷婭溦拍了一條推介美食片，不料同職員發生內訌，怒批餐廳職員服務差，影片引起熱議，網民睇完亦參一腳，反指她「影響到人仲好講」，「打支大光燈去阻住其他食客」，更懷疑其影片有「惡意剪輯」，意圖「呃流量」。谷婭溦其實在片中有還原真相，原來是有客人先無禮，Vivan才忍不住怒火反擊。

早前Vivan親嚐內地小紅書大熱的香港茶餐廳，本以帶着滿心歡喜的心情品嚐，怎料食到一半，餐廳職員前來要求Vivan關了打光燈：「你可不可以把燈關掉？」Vivan隨即用不耐煩的語氣吩咐助手：「熄咗佢啦，熄咗佢啦，你好好同我講嘢冇問題，但係你服務態度真係太差啦！」Vivan解釋：「嗰個人講粗口喎，佢鬧人喎！」雖然Vivan亦專業地拍埋試食片，但心情明顯欠佳，放下狠話勸喻觀眾做好被罵的心態才好來！