支嚳儀烘焙店生意爆升感恩《中年好聲音》帶挈：開拓咗中年人市場
撰文：吳子生
出版：更新：
支嚳儀（Venus）今日（5/6）現身尖沙咀出席旗下烘焙店活動。Venus受訪時表示自從參加無綫選秀騷《中年好聲音》後人氣急升，除了唱歌騷工作浪接浪之外，亦帶動烘焙店生意上升，令她喜出望外：「我真係好多謝《中年好聲音》呢個節目，佢真係幫我開拓咗中年人嘅市場，因為我以前開辦創業嘅時候以IG為主，變咗好多客戶群大都係二十多歲。但而家就唔同咗，係多咗好多中年嘅客戶，佢哋係帶埋啲小朋友嚟一齊整蛋糕，享受親子樂，我係估唔到會有咁大嘅影響力，真係冇諗過。」