蔡天鳳案｜潘女捲入事件排期上庭　關楚耀聞言神情凝重四字回應

早前關楚耀求婚成功，宣布與拍拖6年的網紅空姐女友Joann拉埋天窗，昨天(30日)關楚耀出席劇集《一舞傾城》宣傳活動，事後接受《香港01》訪問，當提到女友，關楚耀即笑得甜滋滋，表示自己有計劃生小朋友：「呢一兩年自己會慢慢諗，到年紀結婚啦我覺得，同埋真係好想生小朋友，自己老婆又願意接受我，所以我終於嫁得出！」

關楚耀求婚成功固然戥他高興，不過他好友潘女因捲入蔡天鳯肢解烹屍案正等排期上庭，由於潘女IG有多張與關楚耀的合照，而且翻查以往關楚耀於社交網post過的相，相信潘女的契媽就是關楚耀的媽媽，所以二人關係比好朋友更close。不過當問起好友潘女近況時，關楚耀即收起笑臉，神情凝重表示：「始終而家咁嚴重嘅事情，仲係一個進行當中，法律好多嘢，咁唔特別回應啦（擔唔擔心潘女？）當然會擔心嘅，但呢啲唔特別再講啦。」