全民造星5｜KC全藍燈被評為無可限量 Adams舞姿夠妖冧掂伍姑娘
撰文：林得懿
出版：更新：
《全晚造星5》今晚（25日）播出一集，千呼萬喚嘅99號KC終於出場！
由於KC喺《前傳》兩個版本嘅MV有較多大特寫鏡頭，加上99號嘅原因，所以被封為「姜濤接班人」。問到參加《造星》原因，KC答得好簡單，就係想提升大家對香港dancers嘅尊重。面試時，馮允謙雖然對KC嘅聲線十分欣賞，不過原來KC因為喺中學參加比賽時，曾被直指「唱得好難得」，搞到佢從此對唱歌失去信心。
KC喺節目中選舉以最擅唱嘅跳舞作為表演項目，不過佢亦都十分叻仔，加埋少少「戲」，令到整件事更為生動有趣，順利以三燈入紅組，更被評判大讚「無可限量」。
節目中，同樣係以跳舞獲得三盞燈嘅仲有49號嘅Adams，熱愛跳舞嘅佢參加過唔少比賽，不過父母唔算好支持。Adams一上場，表演跳舞《Boss Bitch》火速獲三燈，入組藍組。