準人妻麥詩敏重遊英國舊地 貼12年前素顏齊蔭照證由細靚到大
撰文：金秀玲
出版：更新：
無綫新聞主播麥詩敏目前正在英國旅行，日前她宣布成為準人妻，她在英國重遊2011年經過的舊地，貼上新舊自拍照對比，問網民哪個髮型更適合自己，19歲的她勁青澀，素顏已經好靚女，證明是無添加，由細靚到大！
無綫新聞主播麥詩敏目前正放大假遊英國，日前剛大曬鑽石戒指，宣布接受男友跪地求婚，成為準人妻。尚未回港的她繼續行程，包括去白金漢宮睇衛兵交接，又遊牛津劍橋等。
其實今次已非麥詩敏首次去英國，她預科時已在當地私立寄宿學校Talbot Heath School讀書，今日她貼出2011年在同一景點的舊照，當時麥詩敏只得19歲，樣子青澀，但已明顯係靚女。她當時梳齊蔭髮型，不似現時般側分，於是她貼上兩個時期的對比圖，問大家哪個髮型比較好睇，逾6成人都覺得現時好睇啲，證明麥詩敏愈大愈靚！
按下圖睇更多麥詩敏靚相：
+18