【不懂撒嬌的女人】游生用阿仙奴比喻人生 袁文傑：我唔係山齊士
《不懂撒嬌的女人》游生憑著Oppa身高，即使45歲依然引得絲打注意，亦引得一眾阿仙奴粉絲為他高興，袁文傑身為阿記忠粉，當然要問他對阿記的看法，他接受《香港01》訪問，除了講阿記，亦用阿記比喻人生，但說之前，交待絲打最關心的身高，他說：「我係188cm，如果用球隊比喻我嘅事業，我都係用阿記，唔係因為似佢，係因為除咗佢，我唔會揀第二隊，其實我𣍝己同阿記一樣，都要keep返個穩定性，就好似近日自己報導多咗，亦証明我唔係太穩定，希望我同阿記一齊邁向穩定啦。」
當演員都想做主角，做阿記球員那個不想做山神、奧燒，這些大牌球星，但袁文傑覺得做戲是群體，是不是主角、重戲不是最重要，他說：「球場係英雄地，只有勝負決出高下，能夠主宰勝負當然有價值啦，但一套戲好唔好睇，譬如我喺《不懂撒嬌的女人》或者嚟緊《天命》《深宮計》…呢幾套都唔係主角，唔係山神啦，但我喺套劇入面都起咗好緊要嘅作用，戲劇上唔需要咁分得細邊個先係最重要，能夠處理好場戲，得到認同，一次冇人記得，但如果持續穩定，就一定得到大家嘅認同，呢個係我做咗20年嘅體會，做好一場戲，無論你係山齊士定係蒙維爾都係一樣開心。」
阿記下年有冇前四?
袁文傑：「機會比較渺茫，失分太多喇，𠵱家理論上未絕望，要睇利記、曼城會唔會再失分囉，要多少少幸運成份喇。」
山神離隊?
袁文傑：「山神我估佢走架喇，但佢好有態度，走之前每一場波都一定會搏盡，尤其足總盃決賽，一場波真係咩都可能…」
雲加應該走?
袁文傑：「傳聞阿記喺下年嘅行政架構、教練團隊會有一個好大嘅轉變，或者更加緊貼現代化，譬如設立足球總監呢個職位，睇開波都知，呢個位同教練互相制衡，雲加近廿年嚟一手獨攬大權，喺佢執教生涯最後階段，會唔會願意被人制抓呢?呢個應該係佢決唔決定續約嘅最大因素囉，我都試過代入佢心態諗，佢未必願意。」
奧燒要賣走?
袁文傑：「十幾年前有本書叫《足球經濟學》，如果你當足球係一門生意?理論上球員啱價位就應該賣走，如果高於市場價位，更加要賣，但首先要揾到替代品，奧燒呢個球員太飄忽喇，佢交波係靚，佢係一個錦上添花嘅球員，唔係太打得硬仗，但而家唔少阿記粉絲都諗有冇球會想出高價轉會費同高薪俾佢呢?呢個已經好難講。」
雲加應該走?
袁文傑：「傳聞阿記喺下年嘅行政架構、教練團隊會有一個好大嘅轉變，或者更加緊貼現代化，譬如設立足球總監呢個職位，睇開波都知，呢個位同教練互相制衡，雲加近廿年嚟一手獨攬大權，喺佢執教生涯最後階段，會唔會願意被人制抓呢?呢個應該係佢決唔決定續約嘅最大因素囉，我都試過代入佢心態諗，佢未必願意。」
奧燒要賣走?
袁文傑：「十幾年前有本書叫《足球經濟學》，如果你當足球係一門生意?理論上球員啱價位就應該賣走，如果高於市場價位，更加要賣，但首先要揾到替代品，奧燒呢個球員太飄忽喇，佢交波係靚，佢係一個錦上添花嘅球員，唔係太打得硬仗，但而家唔少阿記粉絲都諗有冇球會想出高價轉會費同高薪俾佢呢?呢個已經好難講。」