娛樂新聞台主播朱斐斐公開私樓超靚景觀　全房名牌紙袋勁吸晴

娛樂新聞台主播朱斐斐日前喺小紅書拍片分享自己的演員生活，片段由起床一刻開始紀錄，其中一幕見到朱斐斐表示「今日份OOTD決定了」，一件小背心襯一件西裝外套，故意吸晴，但更搶鏡嘅係房中嘅一堆名牌紙袋，以及窗台上嘅Hermès包包。鏡頭一轉，朱斐斐帶大家睇下「月租2W3的房子」，影片所見，客廳雖然唔算好大，但由於前方冇咩高樓大廈，加上對正花園同遊樂場，所以景觀十分開揚。而呢個月租兩萬多嘅單位，應該係位於鄰近太子站、位於界限街嘅私樓。

30歲嘅朱斐斐加入無綫11年，一分只獲分配小角色，她曾因事業發展不太順利而令情緒出現問題，最後更患上抑鬱症及暴食症。後來她一邊接受心理醫生治療，一邊靠健身「發洩」情緒，才慢慢康復。朱斐斐現時除了做演員之外，亦有兼職健身教練；之前亦有開網店售賣時裝及健康食品，自己做老闆，難怪可以住得豪啲、兼放滿一房名牌。