陳惠敏慶生派對豪言「我嗌嘅兄弟冇一個唔嚟」　以茶代酒不失霸氣

現年79歲的武打影星陳惠敏憑電影中江湖大佬形象深入民心，而他近年已甚少在幕前露面，不過仍常出席飯局，與好友聚會，更同內地網紅食飯飲酒。早前陳惠敏同林威等人飯敘，雖然曾患肺癌兼中風，但面對好友敬酒，陳惠敏依然將白酒一飲而盡，相當盡興。

不知不覺陳惠敏又迎來生日，陳惠敏日前於一班好友相約在紅磡餐廳食生日飯，契仔Andy拍片放上社交網。片中所見，現場至少有十多人前來為陳惠敏慶生，壽星陳惠敏精神奕奕，穿上恤衫西褲，打扮得相當正式。陳惠敏今次似乎為健康只飲茶，並不打算豪飲，他手持的杯子和飲品色澤都與其他賓客不同。

雖然今次只飲茶，但陳惠敏一樣開心，站在兩位大隻佬中間仍然不失霸氣，他大手一揮表示：「我嗌嘅兄弟，冇一個唔嚟，X你，全香港江湖大佬，全部嚟X晒。」引來全場歡呼！有內地網友留言表示：「飲多兩杯全香港都是你的」。