中年好聲音｜支譽儀為演唱歌緊張到無覺好瞓：會多夢咗
撰文：吳子生
出版：更新：
無綫歌唱真人騷《中年好聲音》三甲早前已塵埃落定，冠軍由36歲周吉佩奪得，亞軍及季軍分別是李佳和羅啟豪，今日（13/5）假九展Star Hall舉行《中年好聲音夢想成真演唱會》，並會聯同23位《中年好聲音》戰友開騷。
支譽儀（Venus）受訪時心情興奮說：「頭先喺台上面演唱，直頭係夢想成真嗰種感覺，因為我哋為咗呢個演唱會，成個星期係不斷咁綵排，我連夜晚瞓覺都會多夢咗，而且更將舞蹈都容入咗我生活當中，我係癲到連截部的士嘅姿勢都要好似跳住舞咁去截，可想而知我係幾咁投入，因為我本身冇舞蹈底子，咁所以將呢樣嘢融入喺生活上，係會容易記得。至於練歌方面，我直頭係無時無刻咁練，食飯又練，沖涼我都會練，務求將件事做到最好，今日我已經做到，我好滿意。」