馬天佑斥過千萬開健身室擔心難以回本　奢華式享受入場費要幾錢?

馬天佑（Mayao）近年在娛樂圈進行多方面發展，早前他與幾位志同道合的朋友一同合資在中環開一間8000多呎的私人健身會所，今日（11日）舉行簡單而隆重的開幕禮和剪綵儀式。

Mayao接受《香港01》訪問時透露，一直希望可以打造一間華麗風格的健身室：「做運動嘅時候成個體驗，個廁所乾唔乾淨、個locker會唔會好亂、reception嘅香味，全部都係考慮因素，我自己係一個好高要求嘅人，尤其對靚（呢方面）。」

他笑稱過去曾在其他較為簡陋的健身室有不好的體驗，例如很逼、沒有衣服換等尷尬問題：「唔同嘅gym啲人嘅質素都好影響，可能有啲人坐喺部機唔郁唔做，希望入嚟（我哋健身室）玩嘅人，唔會係阻住我哋做gym嘅人。」

Mayao表示中環租金非常「重皮」，至於投資了幾位數？他笑言與其他股東一同花了過千萬裝修和買健身設備，開業初期都很擔心會入不敷支：「擔心一定會，亦都擔心疫情唔知會有啲咩事發生，希望可以盡快回本！」會員收費制度方面，他表示早鳥優惠每個月會費900多元，之後可能會再有價格上的調整。