一舞傾城｜高鈞賢自爆執二攤　39歲做大學生無違和：我都keep得好

有港版《華燈初上》之稱的無綫劇集《一舞傾城》即將在下星期一首播，今（10）劇集就舉行宣傳，一眾演員均盛裝打扮出席。

而在劇中飾演大學生的高鈞賢在接受訪問時，被問及以39歲之齡演大學生尷尬嗎？他就表示開始會，還自爆自己其實是執二攤：「開頭都會，其實呢個角色係執二攤。嗰陣時好急搵我，本身我自己係一個後生仔我自己睇呢個角色非常好非常有挑戰，我自己都keep得好。（知唔知原本搵邊個？）呢個唔講。」

另外，日前他在社交網站拍片介紹公開香港四房豪宅，並標記為「香港Roomtour 」令不少網友非常羨慕，猜測肯定價值不菲。不過當中有一細節被網友發現，為何屋內的插座是兩腳插而不是三腳插，所以被質疑充當大頭鬼，根本是在內地的住所。對此問及此事，他就坦承表示：「呢個我自己都有同團隊去溝通過，因為呢個係個廣告嚟，都承認呢個錯誤。因為其實係按返個劇本去拍，係一個品牌廣告，其實嗰度係我廣州屋企，我自己都承認呢個錯誤，我都有同團隊講唔可以咁嘅要求。」原來真相如此。