法言人｜阮嘉敏為法庭書記角色親身到法院聽審取經：做好角色準備

藝人阮嘉敏（Mandy）今日（9/5）現身將軍澳電視城出席無綫（TVB）熱播劇集《法言人》宣傳造勢活動。Mandy去年為了更專注拍劇，決定離開主持了近6年的綜藝節目《東張西望》。

阮嘉敏為法庭書記角色，親身到法庭聽審取經。（吳子生攝）

近日她就有份參演劇集《法言人》，在劇中飾演一名法庭書記Cindy，為了演活這個角色，Mandy專誠到法院聽審取經：「本身我身邊都有朋友有律師，咁所以我都有喺佢哋身上了解到法庭書記，其實佢哋嘅職責係做啲乜，同埋佢哋都會講俾我知法庭平時嘅日常運作會係點。但我聽完都覺得唔夠，於是我就親身走咗去法院度聽審，從觀察中睇到法庭書記會做啲乜，令我更加了解法庭嘅真實運作，對我有好大幫助，令我更加容易入戲，做好個角色嘅準備。聽過幾次審之後，真係令我眼界大開。」

阮嘉敏今日現身將軍澳電視城出席無綫熱播劇集《法言人》宣傳造勢活動。（吳子生攝）

朱滙林同阮嘉敏喺劇入面飾演情侶，相當Sweet。