【任噏影評．喜歡你】愛情開始先要解對密碼　揀啱口味又何須解釋

電影《喜歡你》是監制陳可辛、許月珍繼《七月與安生》後又一部跟周冬雨合作的電影，不過今次導演就改為第一次執導電影的許宏宇，拍攝這一部改篇自小說《男人使用手冊》的作品。故事主要圍繞住兩位主角的愛情故事，男主角金城武是一個霸道的公司總裁，遇上在酒店做廚的女主角周冬雨，一個食得招積，另一個就煮得出色，好快就因為食物而撻著。

一個總裁級人馬為了收購一間酒店而親身去測試該酒店的質素，就只有周冬雨的菜色可以吸引住佢，所以一場你煮我食嘅愛情追逐戲就咁開始。金城武嗰陣佬味配少青春少女周冬雨，一睇就知係忘年戀或者係蘿莉控嘅劇情。配上電影的英名文稱《This Is Not What I Expected》，意思是呢樣嘢唔係我預期，電影上話你知佢地唔知點解會鍾意咗對方，周冬雨戲中講到：「明明他是我討厭的類型，但不知道為什麼喜歡上他。」而金城武也對她說過：「我根本沒有辦法選擇喜不喜歡你！」雖然故事情節有一種FF的味道，一個普通的女生，碰上了一個高富帥，而且仲對佢情有獨鍾。不過點講都好，This Is Not What I Expected不就是正正講出了愛情來到的時候嗎？被命運挑選了的一對人，有一些說法是月老用紅線把他們連上了，又或者俾愛神邱比特之箭射中佢地，總之兩人就是糊里糊塗的纏上了，又慢慢地對對方產生出感覺，這不就是對愛情的反映嗎？

當然電影中有些誇張情節是會令人覺得「唔係啩？玩呢啲？」就好似戲中一幕講述佢兩個因為食咗有毒嘅河豚而產生幻覺，幻想出一場大雨，然後在一條沒有雨的大街上、屋子裡、巴士中都擔住把遮，所以路人都奇怪地望著他們，極盡瘋狂。不過這種瘋狂正正就是比喻出一對情侶在剛開始的熱戀期中，最火熱最熱情的那一個時候，甚麼事也會因為剛起步而為大家而做，可能會為對方炮製驚喜，可能會與對方談個電話直到天亮不睡覺，種種事在之後回想起來也會覺得：「當初原來我地咁瘋狂？」一段戀情在不知不覺間展開了，用一段刻骨銘心的經歷作為頭段，你又有無試過呢個經歷？

另外於電影中開頭，周冬雨被分手，其男友所說的原因就是因為她應該有肉的地方卻沒有肉。而金城武也對她說過：「醜不可悲，可悲的是你不夠醜，特別醜的跟特別美的，起碼都很特別。像你這種，一般醜的，就很一般。」一個人可能在外型上不夠吸引，甚至可以用比一般差來形容，不過一定有其特別之處。在電影中有一句對白「對食物挑剔的人，在乎的不僅僅是味道；他在乎的是，有沒有遇到解對密碼的人。」雖然看下去好似九唔搭八，食嘢關密碼乜事？不過其實又係解釋咗愛情究竟係咩一回事，每個人對揀情人嘅標準都唔一樣，所謂的食物味道，可以講成是外貌、身材、家底、性格等等的因素。一段愛情並不是可以是是但但產生出嚟，當然有人會選擇乜都食落口，正所謂「有食唔食，罪大惡極」。但正如個一對食物挑剔的人，揀要食乜都一定有佢所要求嘅標準，味道是可以吸引人，但不盡於此。要解對密碼就像愛情中要揀一個懂你的人，即使那個人未必各方面都完美，只要他懂你，了解你，符合你的胃口就夠了。可能大家在拍拖時都會被對方問：「點解會揀我？」講真，真係唔需要太多理由，唔通我落茶仔叫碟乾炒牛河又要話你知點解？其實戲名早就將個答案講咗出嚟－「喜歡你」，喜歡你就是喜歡你，需要理由嗎？

其實套戲嘅劇情無乜特別，就係白馬王子遇上灰姑娘，最後終於排除萬難喺埋一齊。周冬雨打低一直為金城武的私人廚師林志玲，我諗都係唔少女士嘅憧憬，最終亦令金城武認清咗自己鍾意嘅係邊個。雖然結局無乜驚喜，不過總算唔太多悶場，至於會否翻睇？應該………！