孔德賢首次拍住汪明荃做司儀即獲加持：佢講嘢好流利

汪明荃(阿姐）和孔德賢（Danny)今晚（5/5）現身將軍澳電視城為《第三屆兒童及青少年粵劇折子戲大賽擔任大會司儀。阿姐受訪時就大讚Danny靚仔之餘亦口才了得，是做司儀必備的條件。Danny接著說：「其實同阿姐做司儀今次係第一次，點都會有壓力。雖然之前我同佢喺《娛樂大家》就合作過，要真真正正一對一咁合作就真係第一次。喺綵排度阿姐對我真係好好，因為佢唔單止唔係對完就算，仲會教返我粵劇嘅故事，因為佢知道我係初哥，希望我容易入腦，又容易表達得好啲。」

此外，Danny透露有意向阿姐拜師學粵劇曲。阿姐笑言：「其實我見佢係好有興趣，但我唔知你資質去度邊喎，你講嘢就好流利。」Danny表示：「其實我都唔知自己有冇咁嘅天份，但首先我就覺得要入咗劇場睇場戲先，無論點都好，都要支持咗呢個產業先，同時了解粵劇嘅文化，咁先會容易上手。」