非常檢控觀｜蔡菀庭演學生多情緒戲面對陳煒感壓力：俾佢眼神震懾
撰文：吳子生
出版：更新：
前華姐蔡菀庭（Tiffany)昨日（5/5）現身將軍澳電視城出席無綫新劇《非常檢控觀》拜神。Tiffany透露在劇中飾演法律系學生，當中會有很多情緒戲，尤其要面對好戲之人馬德鍾及陳煒做對手戲，令她增添不少壓力：「今晚我就要同佢哋演一場講我情緒好波動嘅戲，咁所以完咗呢度之後，我要開開心心咁食埋啱啱拜完神嘅燒肉，然之後就要收拾心情，上車度閉關培養情緒，謝絕同其他人接觸，因為前兩日同煒哥（陳煒）開工拍同一場戲，我係俾煒哥嘅眼神震懾住，令到自己真係一個法律系嘅學生，佢真係好好戲，咁所以我都驚到時自己會做唔到。」