非常檢控觀｜梁超怡未卸任港姐已拍劇 飾演少女版陳煒苦練一字馬
撰文：吳子生
出版：更新：
梁超怡（Joey）今日（5/5）現身將軍澳電視城出席無綫新劇《非常檢控觀》拜神。Joey今次在新劇中飾演陳煒少女版角色，為配合角色的需要，每日苦練芭蕾舞拉一字馬，雖然過程相當艱苦，但對她來說一切都是值得的：「早兩日拍咗一場戲，自己係有啲唔習慣，但係就愈拍愈好嘅。（唔習慣，你以前拍過電影喎！）哈哈，呢啲都係幾十年前嘅事，我而家算係新丁嚟，咁所以每一樣嘢我都盡自己能力去做到最好，就好似我練舞嘅時候，始終自己唔係專業，變咗每次落地都會撞傷膝頭，都忍痛跳落去，到埋位要演嘅時候，又重複落地嘅動作，導致而家雙腳係未好過，依然腫晒 ，但出到嚟大家對我嘅表現係滿意嘅，我好安慰。」