【開心速遞】明抄《潮性》送水輝哥？　許家傑：早知請教泰臣啦！

無綫處境劇《愛．回家》系列長拍長有，但幾輯下來，到了最新版的《開心速遞》，內容也不外乎是誤會、和好，以至男女感情、三四角戀，但要繼續拍落去，劇中就不時要加入新血，而最新登場的有港男許家傑，今次他飾演的是送水部的輝哥，滋潤一班寂寞OL的心。

「送水輝哥」睇落熟口熟面，原來在2010年的舞台劇《潮性辦公室》，就有一個同名角色，由翟凱泰(泰臣)飾演，劇中他送水到辦公室，遇上由楊詩敏(蝦頭)飾演的寂寞OL，泰臣以粗獷man爆的造型登場，又chok住幫女方換水，令蝦頭芳心大動，更主動向對方示愛，最後當然是得啖笑。想不到在《開心速遞》也有近似劇情，講到呂慧儀對新入職的許家傑甚有好感，更發展出一段疑幻疑真的戀情。

劇中許家傑初出場已經大晒肌肉，膊頭托着大水樽，這個甫士當然方便他展示一雙「麒麟臂」，相當有男人味。許家傑接受《香港01》訪問，表示自己其實只是客串，但也會盡全力做好角色，「暫時得一集，處境劇係咁㗎，要睇出嚟嘅反應，如果觀眾覺得幾搞笑、幾得意，又可能會再加戲俾我。(跟呂慧儀是否有感情線？)我嘅角色其實係令到馬貫東鍾意咗呂慧儀嘅導火線，因為我背後係有特殊身分，先至去追求呂慧儀嘅。」

喜愛做gym的許家傑，本已操得一身健碩肌肉，但拍攝時效果更加誇張，原來在開機前，他一樣博到盡，「平時都有操開，但肌肉呢家嘢，始終谷先有㗎嘛，咁現場又有水樽，5加侖嗰啲呢，我咪即場舉吓囉。(要舉幾多先有效果？)通常4組都走唔甩，一組大概12次，不過今次就唔使節食，反而要食多啲嘢，等成個人脹啲大件啲。」對於「送水輝哥」的劇情，曾在舞台劇《潮性辦公室》出現過，許家傑則說完全不知情，「真係唔知，如果知就一早請教下泰臣啦。」編劇有冇參考其他作品，眼睛雪亮的觀眾自然睇到，等於只得一集戲分的許家傑，他的努力一樣會獲得觀眾肯定，未來大把演出機會。