汪明荃獲羅家英補送戒指慶結婚14週年 隔空咀嘴甜笑高呼︰好感動
撰文：邱愛霖
出版：更新：
75歲汪明荃（阿姐）與76歲羅家英結婚14年，依然出雙入對，恩愛如昔。昨日（2日）兩人拍片慶祝結婚週年，家英哥自爆特地訂製結婚戒指送給阿姐，哄到阿姐大呼感動！
家英哥和阿姐身處茶樓慶結婚週年。家英哥片中透露，原來當年由阿姐買的結婚戒指被盜去，「以前我哋結婚戒指被賊偷咗，唔係我買㗎，係佢（阿姐）買㗎！咁買咗、戴咗冇耐就擺喺保險箱，點知成個保險箱俾賊偷咗，戒指就冇咗。」
故家英哥決定今年補送結婚戒指做週年禮物，更特意尋回同款同型號的戒指，戒指更刻上兩人名字，實在甜蜜！哄到阿姐甜笑連連說道：「好感動呀好感動呀！」家英哥問到靚不靚，阿姐再冧爆表示：「靚呀靚呀！」家英哥更即席同阿姐嘟嘴撒嬌，兩人在鏡頭面前隔空咀嘴，超級有愛！圈中好友李司棋、胡定欣、姚焯菲都留言大讚兩人好Sweet！
點擊睇阿姐館藏及2020年曬手袋及鞋盛況：
+10