李佳芯預告將拍新劇：當然希望有好角色但都要睇公司安排
撰文：鄺鈺瑩
出版：更新：
李佳芯今日（ 30日）出席馬場活動，露出半邊香肩嘅佢否認是盛裝打扮，並指自己只是尊重場合。提到日前她在IG發帖指要記得保持笑容，而引起網民擔心是否因冇劇拍而不開心，Ali表示：「 嚟緊應該會有劇開，不過一直都有聽到，但嚟緊都見羅永賢監製，仲未知咩類型，等緊劇本。其實每次出嚟大家都好似問我有劇未，我自己就隨緣，對自己嚟講當然希望會有好角色好作品，但都要睇公司安排。」
Ali表示之前因疫情關係，多了時間留在家中睇戲，順道作自我增值，而她又認為有時間思考及創作絕對是好事。「無諗過有咩得著，每日過得開心就可以，學到自己想學嘅嘢係好難得，學咗情緒治療、戲劇上嘅嘢，呢幾年好充實。其實係因為好多行業嘅朋友都好大壓力，會突然喊，所以導致自己想去學點減壓、點解決失眠，希望幫到人又幫到自己。」Ali表示她亦有學唱歌，由於對做戲亦有幫助，所以會一直保持學習。至於感情狀況，Ali笑言唔識答，並謂係遇到就會遇到：「我都照同朋友出去，唔想因為擔心被影而影響生活，唔值得，當然有好消息大家自然會知。」