趙學而睇HOY TV睇到火滾　質疑名廚竟唔識分羅勒九層塔同紫蘇

由前「東張女神」黃愷怡（Jasmin）主持的HOY TV全新煮食節目《開飯啦》，主打邀請城中名廚教大家炮製開飯新煮意，不論是簡單便餐，一人前美食，還是家常便飯，有名廚教路，每餐必有驚喜！而最新一集播出後，竟惹得趙學而勁火滾。

趙學而講道：「#我究竟睇咗啲咩 basil（羅勒） 定紫蘇呀？兩樣嘢嚟喎！#媽我好亂呀！好日唔開電視 一開電視就滾」原來節目請來經驗十足的楊國基師傅炮製「參巴鮮茄醬爆大蜆」，當中他講道：「有啲人叫佢九層塔、有啲人叫佢金不換、有啲人叫佢紫蘇。」除了趙學而，雖然有網民對此亦充滿疑問，但亦有網民提到食家蔡瀾的講法與楊國基師傅相同。

而趙學而再補充：「真心唔明主持唔問 撰稿唔問 導演組唔問 後製唔問 係咪真係有問題唔應該問定係真係覺得冇問題。」而楊國基師傅（Billy Yeung）亦大有來頭，他是Leo's 名廚饗宴團隊成員，經常在各大電視台表現大師級風範。