輸比賽都堅持唱廣東歌　布偉傑不贊成普教中：冇咗廣東話會好可惜

阿一布偉傑曾是無綫的「御用老外」，每逢有外國人的角色，例必會見到他的蹤影，字正腔圓的廣東話，觀眾閉上眼，驟耳聽來仿如一個地道的香港人。離開無綫後，要赤手空拳打拼，其他人可能會有無數計算，但布偉傑北上搵食亦從來未忘記香港人身分，甚至在關係到他前途的歌唱比賽上，他亦以廣東話參賽，唱出Beyond的《海闊天空》，「多少次，迎着冷眼與嘲笑，從沒有放棄過心中的理想」，正是他的最佳寫照。

踏入5月，布偉傑忙個不停，一方面要籌備婚禮，亦要抽出時間練歌，參加《中國新歌聲》歌唱比賽，但熱情未能帶他到下一輪決賽，最後五強不入，相當可惜。布偉傑接受《香港01》訪問，問到他覺得自己狀態如何，他笑着說：「OK呀，最緊要自己鍾意表演，今日都好多高手啦，一啲唔開心都冇嘅。(為何不唱英文歌，用母語比賽不是更有優勢嗎？)我只係鍾意唱中文歌，而且係廣東歌，因為「香港人撐廣東歌」呀嘛，我呢廿年嘅生活都係圍繞廣東話啦，而我好多廣東話都係唱K時唱廣東歌學返嚟嘅。」

布偉傑跟很多香港人一樣，是名副其實的Beyond迷，問到他除了《海闊天空》外，還有何喜愛的歌曲，「都係Beyond嘅歌啦，好似喜歡你、不再猶豫，同埋半斤八両，我出去登台表演都經常會唱。」今次雖然輸掉了比賽，但他說仍會繼續參加其他的歌唱比賽，問到他會否改變策略，他堅定地說：「我一定會用廣東歌參賽。(若然參加內地的歌唱比賽呢？)返到內地都係唱廣東歌，唔會改變嘅。」

在港生活工作，即將迎娶香港女孩，正式成為布太，儘管布偉傑能說流利的普通話，但他對廣東話卻有一份難言的情意結，甚至可說是廣東話的捍衛者。近日「普教中」引起的爭議，有指因而令新一代不懂得正宗廣東話，如將電單車說成摩托車、士多啤梨變成草莓、即食麵轉成快食麵。布偉傑以外國人，同時亦是香港人的身分，對「普教中」有何看法呢？他說：「唔係咁好啦，因為廣東話歷史上其實係長過普通話嘅，我讀書嘅時候講陶淵明嘅詩，佢首《飲酒》，你要用廣東話唸先押韻。」

中港融合已是不可改變的事實，電影是合拍片，豪宅買家不少是內地人，香港能夠保留下的一點文化，可能正是現時大家也說着的廣東話。「普教中」的最大爭議，是恐怕廣東話正在不知不覺，一步步地被消滅中，布偉傑也不禁嘆着說：「雖然香港變化都大，多咗好多潮語，比起廣州人都快，但完全冇咗廣東話會好可惜。」由一個外國人口中說出「不嬲都鍾意廣東話」，那一刻無疑充滿着荒誕感覺，相當諷刺。