連詩雅結婚｜陳自瑤做姊妹傳收131萬4千開門利是 實情令人超震驚
撰文：吳子生
出版：更新：
陳家樂和連詩雅（Shiga）今日（24/4）於尖沙咀五星級酒店舉行婚禮，陳自瑤（Yoyo)、梁諾妍及黎紀君擔任姊妹團。三位受訪時被問到是否收到131萬4千元開門利是？Yoyo笑言：「我唔知佢哋講咗幾多呀，可能佢哋吹大㗎嘛，不過我哋睇過封利是係好厚嘅。」而身邊黎紀君就爆響口話：「係13140元，都係攞個意頭，寓意一生一世。」
Yoyo就透露陳家樂讀愛的宣言時勁怕醜：「頭先見佢喺咁多人面前，情深款款咁講愛的宣言，成個怕醜樣走晒出嚟，我諗佢平時喺屋企嘅時候係講好多，但對住咁多人嗰吓表現就有啲難為情，尤其對住連詩雅講我愛你嘅時候，成塊面都紅晒。」