周吉佩贏《中年好聲音》後陳年EP即炒貴　兩年前只賣$38依家幾錢?

周吉佩成為《中年好聲音》冠軍後，隨時出道做歌手，但其實他早年已經做過歌手，更推出過專輯。記者發現，他攞獎後，連帶陳年出道EP都馬上升值，兩年前只放售$38，現在炒到幾多錢？

《中年好聲音》冠軍得主周吉佩（吉吉），早年與朋友組成男子樂隊sp'ACE，至07年因參加《有線電視線動真音樂全港歌唱大賽》，成為旗下驕陽星藝館歌手，翌年出道並推出個人EP《Getting Start》，第一首派台歌《家教》找來Eric Kwok作曲、林夕填詞，更曾上過903專業推介第8名。

自從吉吉奪冠後，網上已有人問哪裡可買到這隻碟，記者發現，網上拍賣平台立即加價！其實兩年前都有用戶放售這隻EP，僅售$38。至近日吉吉亮相《中年好聲音》後，又有人放售同一隻碟，更在產品標題以《中年好聲音》作招徠，兩星期前$98放售。不過吉吉在比賽上一夜成名，該用戶今日就立即加價，$98升至$138！