鄭秀文Mark嫂探謝安琪睇BB好開心　許太抱B純熟被問：幾時到你啊

張繼聰和謝安琪（Kay）的囡囡張靖（Karina）剛剛滿月不久，小公主超可愛，連乳名都非常趣緻叫做KaKaBall，爸爸阿聰之前更笑言自己望住囡囡睡覺「成個癡漢咁款」，近日Kay的兩個好朋友鄭秀文（Sammi）和雷頌德太太梁家玉（Jade）就去了大埔探望Kay兩母女。

3人更將合照放上網，Sammi先放了一張背光相，並寫上：「Mi揸機，係咁上吓差！」Kay在相中啜嘴舉V睇落好Fit，不過Jade放的全身相就不慎「出賣」了Kay產後未減的圓潤身材，Kay之後亦有在Facebook分享：「多謝Mi 同雷太今日來探KaKaBall，傾下傾下，湊BB都輕鬆好多 #啲相濛到一個點 #同佢兩個合照冇着數 #有啲相我肥到要斬立決 #mi已經咁瘦仲要cut自己一半」。

雖然Kay自嘲肥到要拖去砍，但產後要餵人奶，未收身也是正常，這叫幸福肥吧！而且阿聰也毫不介意，Sammi今日又再出post認證阿聰是廿四孝老公:「KaKaball好趣緻。Kay係幸福的人，上天帶領着佢成為幸福的母親，而且mi全程完全感受到聰聰對Kay嘅疼錫。對女人而言，這點很重要喔！Really happy for Kay plus 佢有肉哋都冇問題，look soooo young!!!  #好開心嘅相聚 #睇BB好開心 #mark嫂係mi好姊妹 #johannaho。」

有網民見到Sammi tag「睇BB好開心」即笑問幾時到Sammi生BB，又話Sammi抱B手勢純熟：「Mi很有做媽媽天份，抱BB的手勢很好」，「幾時到你啊，許太？」