馬國明忙拍《新聞女王》 湯洛雯全權負責婚事：好多嘢未決定

TVB新劇《法言人》昨（19日）在油塘商場舉行宣傳，一眾主要演員均有出席。男主角馬國明對於劇集受歡迎有好收視都大感開心，希望觀眾繼續追看下去。

現時忙於拍攝新劇《新聞女王》的他，對於再次與佘詩曼（阿佘）等人合作非常開心，更揚言同阿佘合作沒有壓力，反而是舒服狀態：「佢演技幾勁都好，佢唔會俾壓力你嘅。喺阿佘身上可以喺一個好舒服嘅狀態去演戲，永遠唔會俾對手壓力，令到大家合作更加好。」

馬國明除了講工作之外，還透露年底與湯洛雯的婚事，一切交由女方去處理：「因為我近排比較忙，我要搞掂《女王》先可以同佢一齊安排啲嘢。（自己知唔知目前籌備成點？）大概知，有好多嘢未決定。（婚後會唔會生小朋友？）隨緣，我哋冇所謂冇乜壓力。」他還表示婚後如拍親熱戲不太需要報備，因為電視劇尺度有限。

另外，馬國明早前到內地登台大受歡迎，問及會不會有機會參加內地真人騷，他就表示：「嗰啲我要諗諗，因為我自己唔係好識做真人騷，我興趣都係演戲。」