凍齡魔女袁潔儀近拍皮膚似剝殼雞蛋　自爆真實年紀：我都就登六

昨日（19/4）袁潔儀（Kiwi）現身觀塘出席開幕禮，在接受《香港01》訪問時，透露自從2009年結婚後與丈夫定居內地，當中以廣州為主，但每隔幾個月就會回港一次與家人相聚。早前有報道指她不時在內地接商演，講到是否把工作重心放在內地，她表示：「用普通話講就係『混飯吃』乜都做、乜都搞，我個人好隨緣係冇要求嘅，你話有嘢做我就話好！」近年不少香港藝人會在內地平台直播帶貨，不過Kiwi就沒有這方面的意欲：「我唔會啊，我喉嚨唔係咁好，2001年我做過瘜肉手術，我唔識用丹田講嘢，驚日日要做直播。」

隨後，Kiwi講到自己的年齡：「唔知係咪因為疫情，見到好多老前輩同行家一個又走，兩個又走，但好多嘢都隨緣啦，最緊要自己健康，畢竟我都就登六。」不過根據網上資料，1970年出生的Kiwi應該只有53歲，再加上皮膚緊緻又光滑，何來登六之說，此時她自爆真實年齡：「其實我係1966年出世，屬馬，今年10月就57歲，網上嗰個係假㗎！」