港姐梁超怡（Joey）今日（11/4）現身深水埗出席派飯活動。提到首次加入無綫新劇《非常檢控觀》飾演陳煒少女版，Joey大感興奮：「雖然戲份唔多，但要演呢個角色係一啲都唔容易，因為當中有好多情緒起伏嘅變化，同埋我係一個好鍾意跳芭蕾舞，所以我為咗呢個角色我就去咗學跳芭蕾舞。」

Joey為了提升身體柔軟度，不惜每日苦練2小時拉筋練一字馬：「其實我本身個人啲筋係好硬，加上我係做唔到一字馬，變咗我而家每日都加緊練習，分4組去拉，每組煒個鐘，加埋都有2個鐘，過程係好痛，成個人係標晒汗震晒。我明白做一字馬係要細細個嘅時候去開始，去到我呢個年紀先去練一字馬係相當困難，咁所以我係唔怕辛苦，我會盡我所能去完成。雖然劇本冇講話我要做一字，但我作為演員我都要準備定，怕一陣導演要加我戲嘅時候，我要隨時可以做到。」