唱片太子爺疑暗撻亞軍港姐王菲　高180有家底有才華被封「筍盤」

環星娛樂太子爺張子丰出道多年，有家底有背景，曾為Chantel執導MV，人帥又有才華，且身高180cm，是個名副其實是「高富帥」，但他選擇由低做起，過往更曾做過PA（製作助理）。作為圈中筍盤的張子丰，曾與陳瀅及蔡思貝傳過緋聞，但就通通否認，不過近日有傳他暗撻前港姐亞軍王菲，二人多次「連體嬰」出動，而且舉止親暱，就算有圈中人在場都毫不避嫌。

今天（9日）兩人齊齊現身新劇《法言人》的宣傳活動，現場兩人多次被目擊「糖黐豆」，期間相談甚歡，王菲亦笑得好開心。張子丰與王菲在接受《香港01》訪問被問及緋聞一事時，態度曖昧，並沒有否認戀情：「因為成日都見到我哋喺大家朋友圈出現，咁就問係咪大家點啊，咁其實真係好多共同朋友，變咗經常性朋友生日啊，成日見面囉，老是常出現。（咁兩位對大家印象點？）真係好㗎，佢係我隔離，超級Perfect。（有冇諗過發展？）遲啲嘅事冇人知嘅，順其自然啦，諗吓囉，即管諗吓。」