王菲於巴黎被野生捕獲　新手袋價錢超貼地掀熱話

王菲近日喺巴黎被野生捕獲，有網民分享同天后嘅合照。照片中，王菲以一件黑tee配卡其色外套，簡單而不失貴氣。不過，照片上載後，網民嘅焦點好快落喺王菲手上嘅黃色Clutch bag，事關佢原來係一個價值30元人仔都唔使嘅收納袋，而品牌亦隨即在小紅書上以「沒想到被天后翻牌了！富美高收納袋」為題，發帖吹奏王菲嘅品味，並同時附上購買網址，非常識做生意。

有傳王菲現時在香港和北京手持多個億萬物業，坐擁20億身家，不過她向來鍾情平民服飾及包包，當中最常用的美國品牌JanSport背囊， 價錢都只係大概5百多港元，而且一用就10幾年，長情又慳家。