【不懂撒嬌的女人】Mall姐宣萱最憎懶鬼：我唔鍾意啲人返工hea！
撰文：林迅景
出版：更新：
《不懂撒嬌的女人》已經開播，首日收視就已經有24點。繼羅嘉良以外又一個台柱回歸TVB拍劇，當然要支持下啦。身為女主角的宣萱近日更密密露面為劇集宣傳。
5年未返過TVB拍劇的宣萱接受《香港01》訪問時表示，劇集首播當晚就已經趕回家觀看，「因為那天好多嘢做，而返到屋企靜靜地看的時候可以睇到好多嘢。」她還說，今次回巢最主要是因為監製關樹明的邀請及編劇朱鏡祺寫的劇本適合。其實劇集首播就已經引起回響，宣萱還表示身邊已有朋友說在《不懂撒嬌的女人》中，在她演的Mall姐身上看到了她的影子。
宣萱更說，現實中的她與Mall姐確是有幾分相似，「都有些相似的，有好多人都覺得我（性格）好惡好硬。我工作時是有要求，唔鍾意啲人做嘢係度hea吖，返工遲到，又埋位唔睇劇本吖……這些在我角度來看是很不專業的行為。」（其他演員是這樣的話，你會生氣？）「我又不會一來就好似Mall姐般發嬲，Mall姐那種是好extreme。（拍劇時）有人遲到咪話『唔好遲到啦』咁樣囉，再遲到咪俾監製處理囉。」嘩，究竟哪個遲到激嬲Mall姐呢？