拍檔鹽叔暪婚偷食女粉絲　鄭秀文籲給予空間：需要時間消化同沉澱

YouTube頻道「好青年荼毒室」（下稱荼毒室）創辦人、哲學界KOL鹽叔（楊俊賢），近日公開承認瞞婚偷食女粉絲，女粉絲更爆出曾為對方墮胎。荼毒室事後發聲明，指其他成員不能接受鹽叔行為，而他現已煞停荼毒室所有活動。

天后鄭秀文（Sammi）早前與荼毒室合作推出歌曲《愛是…2.0》，Sammi今日（30/3）出席品牌活動亦有被問及事件，她表示不擔心會影響歌的宣傳，亦希望外界可以給予他們空間：「大家都畀啲時間當局中人，所有人都好需要時間去消化、去處理同沉澱，旁人講再多都幫唔到件事。畀啲時間當局中人，當局中人先會明白呢個感受。」

被問到鹽叔的為人，Sammi指與他及荼毒室合作時過程融洽：「做歌時，佢哋都係好用心去做隻歌，到呢一刻都好多謝『好青年荼毒室』團隊為呢首歌嘅付出。」荼毒室就事件與鹽叔劃清界線，她坦言沒有跟進新聞：「唔知佢哋點處理，就呢個合作而言，好多謝佢哋為呢隻歌《愛是…2.0》嘅貢獻，真係好認真去做。」