Do姐鄭裕玲拒絕評論TVB發盈警裁員一事：冇意見！邊有意見吖！
撰文：趙允琳
出版：更新：
鄭裕玲（Do姐）今日（26日）與周嘉洛現身將軍澳一個街市化身一日店長派雪糕，吸引大批街坊到場支持。Do姐向來都保持過健康生活，對於甜品方面她笑言會「想食就食少少」，而且平時亦很常逛街市，更自爆不少街坊見到自己都會收平啲：「好nice㗎的人，我都的確會去買下水果，佢哋見到我會揀啲靚啲嘅畀我，真係好多謝佢哋。」
TVB母公司電視廣播（0511）早前發盈警，TVB發出內部通告宣布將會遣散約200多名員工及cut節目，期望節省2.6億港元的年度營運現金支出，作為TVB前元老的Do姐坦言無話可說：「哎呀，都唔到我講啦！都離開咗咯。但so far，我有問嘉洛，同我哋合作最多嘅部門嘅同事都冇事！」被問到會否向曾志偉提出建議，Do姐耍手擰頭稱：「冇意見！邊有意見吖，管好咗自己先啊我要！」