無綫發盈警減將裁員 三姐驚減騷錢：梗係唔好Cut我哋

「廚后」三姐（蕭秀香）今日（24/12）現身薄扶林出席第七屆國際名廚慈善宴。提到無綫發出內部通告，指公司決定進行成本及資源管理優化方 案，目標是節省2.6億港元的年度營運現金支出，當中包括大幅度調整節目製作預算，未能達到預期收視及經濟收益的節目將被終止，在人力資源上約 有5%的員工將涉及遣散。

三姐就事件接受《香港01》訪問時說：「其實我喺無綫做嗰個節目係比較平穩啲，就冇話要好高好低嘅使錢法，我哋嘅支出都好平穩，加上呢個節目對於我嚟講唔係話用嚟賺錢，而我係為興趣，所以佢要Cut同唔Cut，都對我影響唔大。（驚唔驚減你騷錢？）都唔驚得咁多，始終公司做生意，生意唔好，佢哋都要同股民交代，我諗都合理嘅。不過咁梗係唔好Cut我哋啦。（節目上可能有變動！）呢個係上層嘅事，我哋亦都冇得驚，煮到嚟就要食。」