袁詠儀張智霖拍拖睇藝術展　孭逾30萬Hermès雙面Kelly一袋難求

藝術盛會「巴塞爾藝術展Art Basel 2023」日前正式開鑼，來自世界各地的收藏家及藝術愛好者紛紛到場參觀，袁詠儀（靚靚）同老公張智霖（Chilam）亦趁着VIP優先場去到現場欣賞。靚靚在微博Post出合照，並寫道：「眼睛忙了一天，Art Basel。」相中所見，靚靚同Chilam都以黑色衫襯牛仔褲，打扮低調但仍難掩氣質！

網民紛紛留言大讚一身Casual Look的靚靚容光煥發，狀態Fit爆！有網民在現場遇到正在觀展的靚靚同Chilam，並在社交平台曬出照片，可見當時靚靚孭着Hermès Kelly II Sellier En Désordre 20，是2022秋冬系列，有着經典手袋Kelly 的外型，而前袋就採用傾斜設計，造就前後不對稱的新鮮感，前後都有收納空間，非常實用，比起原本的Kelly Bag更別具一格，一推出即掀起搶購熱潮，現時炒價超過30萬，更是一袋難求，而靚靚所孭着的是桃紅色款，相信更加難買！

點擊下圖逐個睇：