容祖兒澄清沒被人「鹹豬手」 強調自己警覺性好高：撈咗咁多年
撰文：趙允琳
出版：更新：
早前有報道指容祖兒（Joey）出席巴黎時裝周時被身旁男子疑似「鹹豬手」摸大髀，在網上引起熱議，今日（14日）她現身中環出席時裝活動時作出澄清，並表示對方是自己的攝影師好友Leslie Kee：「佢係新加坡攝影師，佢喺我第一個演唱會幫我影相，所以我哋識咗好耐好耐！」
Joey表示因為兩人認識了很久，因此可以在第二個國家見到都感到好開心：「佢都只係輕輕拍咗我一下，我都冇覺得有任何唔舒服。 」事主Leslie又知不知道自己被誤會？Joey笑說：「冇喎！佢琴日去影奥斯卡金像獎嘅時候，都有將啲盛況share畀我聽，佢應該都唔知呢件事！」
她笑言自己一向都有極高警覺性，叫網民不用擔心「鹹豬手」事件再上演：「好高㗎我哋呢啲，都撈咗咁多年，都對唔於自己嘅安全，或者着衫係咪安全，都會有一個sense喺度嘅。」