森美雪地自拍性感Bra Top女意外入鏡　焫着老婆：冇睬我十分鐘

49歲的森美向來是顧家好男人，與太太Veronica（陳雅嫻）育有一子一女，結婚 22年仍然恩愛如昔，但太太因為性格低調，夫妻很少機會放閃貼合照。最近森美一家去日本旅行，相隔一星期，再跟太太去北海道二世古滑雪，坐完「疫監」實行玩番夠本。

日前森美在社交網上載一張半身自拍照，身後一位女士抵冷脫去上衣，僅穿白色Bra Top拍攝雪地美景，森美自爆因此被老婆大興問罪之師，寫道：「喺山頂影張自拍照跟住我老婆問『點解影後面個女仔』，我話我唔知有個女仔，我自拍時候我淨係想影個山，佢話『唔係！你影個女仔！』我話唔係我影個山，佢話『唔係！』跟住問我點解個女仔唔怕凍！我話點知啫！跟住佢就冇睬我十分鐘！」

森美忠告各女士們唔好在雪地上影性感相，暗示會釀成家變，「各日本雪山上少女，唔好成日喺雪山上面展現，唔怕凍嘅能耐。我怕！！我怕凍，尤其梁太的"冷" 待！」林珊珊女兒李澄（花名：西瓜）取笑森美：「 冰水洗都唔清」。