孝順仔吳業坤預計今月補辦婚禮　最想媽咪飲到新抱茶：想佢開心

吳業坤（坤哥）今日（3/3）現身尖沙咀出席《博愛歡樂傳萬家》記者會。去年5月坤哥突然宣告結婚，迎娶日籍女友濱口愛子，男方本不打算公開太太身分，但濱口愛子的婚照自我「引爆」，獲不少網友大讚女方靚女。被問到何時同太太愛子補辦婚禮？坤哥表示：「其實預算係喺今個月，不過都係仍在考慮當中，因為嚟近都要拍攝新聞女王。其實如果要搞，主要都係為咗屋企人，都想媽咪開心吓，可以飲新抱茶，喺親戚面前見證個仔成家立室。」

另外提到太太愛子早前孭住22萬H牌手袋去深水埗食腸粉十分富貴。坤哥笑言：「本身我同太太都唔追求物質，其實個袋值91蚊人民幣，原全唔係嗰個名牌手袋嚟嘅，只不過係咁啱係類似啫，因為我同佢都唔係好熟悉呢啲名牌，變咗大家望落好就覺得似。我同佢都估唔到個袋款式原來同名牌似，令到有呢啲小誤會產生。」