1978年〈最上鏡小姐〉張夢厦 現身今年港姐活動依然氣質高雅
撰文：吳子生
出版：更新：
現年65歲1978年最上鏡香港小姐張夢厦昨日（2/3）現身又一城，出席慧妍雅集41週年花善晚宴2023記者會。張夢厦接受《香港01》訪問時透露近況：「其實當年參選港姐之後，同無綫簽咗兩年約，期間都只係客串過幾套劇集，約滿之後就冇再續約。輾轉就識咗我而家嘅老公，同佢結埋婚生埋仔，個仔依家22歲喺美國讀設計，今年畢業暑假會返香港。閒時我都會幫老公打理貿易生意。（想唔想拍劇？）唔好啦，年紀都大，如果客串吓都可以諗吓嘅。不過我有時間，我都會去畫畫，就好似慧妍搞嘅畫展，我都有份參與，當中都會有我嘅作品。（想唔想兒子加入娛樂圈？）雖然娛樂圈多姿多彩，但最後唔好啦，讀書要緊。」