雷宇揚老婆抖音曝光獨幢別墅　向胞弟表示「冇姐夫」惹離婚疑雲

雷宇揚2012年與內地女主播馬荔婚後長居廣州，婚後雷宇揚淡出幕前，反觀老婆熱衷抖音，每星期都會有直播。現年37歲嘅馬荔留着一頭烏黑長髮，皮膚白滑緊緻，身材更是十分出眾，纖腰、長腿、豐滿上圍樣樣齊。

對於自己嘅好身材，馬荔亦從不吝惜，見佢每次出鏡嘅衣著打扮都落足心機：短裙、吊帶背心、黑絲應有盡有。抖音帳戶中，唔少短片都係喺家中拍攝，獨幢別墅樓高約三層，屋外嘅空地除設有泳池及休閒設備之外，亦停有兩、三架私家車，足見其空間感。不過，喺眾多影片中，老公雷宇揚、兒子雷庭從未出鏡。其中一條去年拍攝嘅影片，馬荔胞弟先表示：「我姐夫被人打了。」馬荔聞言後即時十分緊張，仲拎起掃把準備出門，但突然又停下來表示：「你哪來的姐夫?」 短片惹來離婚疑雲，當時唔少網民都留言表示:「離了？」。