台灣瘋傳神秘靚仔肌肉男 原來係鄭佩佩細仔
撰文：溫菁莉
出版：更新：
近年星二代加入娛樂圈並非新鮮事，而近日在台灣論壇中就流傳一位神秘靚仔肌肉男，不少網友都覺得「好熟口面」，經過網友深入調查後，原來他正是「華夫人」鄭佩佩的幼子原和玉(Harry)。當年已誕下3名女兒的鄭佩佩為了幫身為獨子的前夫追仔，經歷了4次流產，最終誕下Harry。
+15
在美國長大的原和玉今年32歲，可能遺傳到媽咪鄭佩佩的功夫基因，從小就鍾意「跳跳紮」，又玩功夫又玩極限運動，之後仲做埋極限運動員 ，倒立、攀岩、衝浪對佢完全無難度，仲經常在Instagram中上載短片。點解宜家先會俾網友發現佢呢？網友就表示其實Harry前年就曾到台灣宣傳節目，但當時的造型「 青靚白淨」，宜家就轉造型留鬍，形象即刻man哂!!
而目前Harry亦繼承媽咪的衣缽加入娛樂圈，之前仲試同家姐原子鏸參加內地真人騷《極速前進第二季》，仲拎埋冠軍，認真威威！而現在他則擔任National geographic節目主持人，曾主持《Taste of Tropical Taiwan》、《Route Awakening寰行中國》 及《Kung Fu Motion》，閒時亦會客串做下KOL，錄短片教觀眾一些生活小常識。