蔡天鳳案｜奶奶傷心受訪 上年聖誕全家遊日成追憶：希望沉冤得雪
撰文：胡凱欣
出版：更新：
今日（28日）的《東張西望》講到28歲名媛蔡天鳳（Abby Choi）的肢解烹屍案，今日是Abby的「頭七」，她的家人今日一早已經到沙田富山殮房認屍後，一行人再到大埔龍尾村肢解案現場拜祭及進行法事。
蔡天鳳與家姑的關係良好，蔡天鳳家姑在現場拜祭時亦泣不成聲。其後蔡天鳳家姑亦接受《東張西望》的電話訪問，傷心感嘆：「我一直對四個小朋友好好同好錫佢哋，上年聖誕我兩公婆仲同我個仔新抱啦4個孫2個工姐姐啦，一齊去日本玩，好開心，冇諗到會成為追憶。」
蔡天鳳家姑繼續說：「今日個新抱頭七呢，去到龍尾村路過慈山寺，覺得好心寒，竟然啲衰人係觀音腳下做啲咁喪盡天良嘅嘢，去到龍尾村見到間屋仲傷心，好傷心好痛。最細嗰個小朋友得3歲，就冇咗媽媽好陰公，希望Abby早日沉冤得雪，拉晒啲衰人，等佢一路好走，早日安息。」
蔡天鳳Abby Choi是誰？
蔡天鳳是本港名媛，活躍於時裝界，屢次登上知名雜誌，被形容為「新星」，Abby現任丈夫是譚仔「太子爺」，林盛斌任司儀。
蔡天鳳Abby Choi碎屍案有誰被捕？
前夫、前家翁、前家姑、前大伯及前家翁情婦已被捕。前夫及他的父親、兄長遭落案起訴一項謀殺罪，前家姑被控妨礙司法公正罪，一家四口還押至5月8日再訊。