徐小明任亞視行政總裁有新搞作 前亞姐冠軍梁雪瑤無期望：虛火嚟
撰文：吳子生
出版：更新：
前亞姐冠軍梁雪瑤（Sheryl）今晚（27/2）現身尖沙咀出席「仁美清叙」2023春茗暨就職晚宴。Sheryl透露現正跟高志森拜師學藝舞台劇，她揚言要向師傅取經學做戲：「我跟咗佢學咗差不多3個月時間，高志森導演佢好肯去教人，佢會循循善誘咁去學我。學完之後，我仲參與過一套嘅舞台，令我過足戲癮。之後高志森導演仲透露亞視徐小明有搵佢合作，遲吓可能都會有新嘅搞作。」
提到徐小明出任亞洲電視有限公司行政總裁 ，將會有一番新景象。Sheryl坦言並未有抱太大期望：「因為之前我喺亞視時我係遇到遲出糧嘅問題，不過到最後都攞返，可以話係有拖冇欠。今次亞視又有新動向，我就覺得係虛火嚟，因為久不久又會傳佢哋財困，好難令人有信心。」