方力申自嘲「屎坑波架生多」單車封麈唔敢見人：太舊款
撰文：吳子生
出版：更新：
方力申昨日（20/2）現身尖沙咀出席《博愛單車百萬行2023》活動發布會。小方表示：「其實我屋企都有一部單車，不過就封晒塵。點解封晒塵，正所謂我哋呢啲係『屎坑波，架生多』，因為太舊款，出去嘅時候唔見得人，但又係唔想換，加上而家啲單車愈嚟愈貴，閒閒哋一部都要幾皮嘢，如果要一隻手指都拎得起就更加貴，所以就選擇問人借。（嚟近生日搵人送嚟得囉！）我諗佢哋應該要眾籌，因為都好貴，邊有人送幾皮嘢嘅單車俾人㗎。不過唔梗要，其實我都有好多嘢想要，就係啲貪慕虛榮嘅嘢，哈哈！」