江若琳佗B老公蕭唯展照顧周到：簡直係帝王式享受

江若琳（Elanne）今日（15/2）現身尖沙咀海港城出席Cracking Art「動物來襲」公共藝術展，共同推動環境保護概念。Elanne早前在社交網上載拿着BB衫仔和BB的超聲波照片，宣布和結婚四年的老公蕭唯展造人成功。

Elanne透露胎兒已5個幾月，預產期會在6月份：「其實我哋兩公婆仲未買BB嘅用品，因為我同佢都係嗰啲今日月煩腦今個月嘅事嘅人嚟，變咗我哋仲未買。至於BB係男定女，我同老公係知，不過我同佢就想遲啲先宣布。（老公服侍周到？）簡直係帝王式享受。基本上而家係要風得風，要雨得雨。相比以前我係照顧佢多啲，佢要咖啡，我就要即刻走沖俾佢飲。佢要水，我就要即刻倒俾佢。而家同佢出街，佢對我非常無微不至，會留意四周，驚我整親。」