張達倫認教仔消耗體力大：佢嘅活躍程度幾恐怖
撰文：吳子生
出版：更新：
張達倫（Max)今日（15/2）帶同太太陳鳳玲（Kimmy）和兒子張凱碩（Zachary）現身尖沙咀海港城出席Cracking Art「動物來襲」公共藝術展，共同推動環境保護概念。Max受訪時笑言：「噚日我同阿仔講，話今日會帶佢去動物園玩，會有企鵝大笨象同鱷魚睇。點知嚟到原來全部都唔郁，跟住佢就好似隻企鵝咁，企喺度唔郁，好似有心事咁。」身邊Zachary接著說：「我好唔開心。」Max回應說：「頭先見你跑嚟跑去玩得好開心，你話你唔開心，講笑咩！你話開心先！」Zachary天真表示：「開心。」
阿Max表示：「其實而家個仔佢開始大，我係要用好多嘅體力陪佢玩，少啲精神都唔得，尤其腦力係最費神，因為要諗點樣去教導佢，點樣去栽培佢去發展，同時又唔可以控制得佢太犀利，你睇佢而家咁，佢嘅活躍程度幾恐怖，所以話打呢份工係一啲都唔易做，仲要係一世，哈哈！」
+7