雯雯將返工賺錢不排除畀大仔做童星　被追問張致恒性能力咁回應

張致恒太太區燕雯（雯雯），雖簽未入行做過藝人，但曝光頻率次數比不少藝人都要高。二人屢傳婚變卻生完一個又一個，近日雯雯疑正單方面申請離婚， 2月13日再與網友玩你問我答時透露準備返工賺錢，面對網友提到張致恒曾自爆患「性上癮」，問雯雯對方性能力時她亦有所回應。

之前Steven被爆欠下周身債，仍有錢搬屋請工人出入搭的士，雯雯透露現時已無工人姐姐幫忙，自己一個湊三個囝囝坦言相當攰，每日只睡三四小時。面對貧困處境她透露好快會返工賺錢養家。有網友爆放學時見Steven「無幫你推車同抱小朋友」，雯雯亦有開腔澄清「佢有幫手嘅。」

但夫妻關係似乎仍未修補，雯雯表示：「其實都冇話有冇好唔好，大家每日角色都係爸爸媽媽，好多嘢唔係單方面，需要睇吓有冇心改變。」更表示：「由頭到尾都未正式分開，我一直都係話我單方面計劃緊，但係計劃之中一定要係踐小朋友最好先能夠實行。」有網民提到張致恒曾自爆患「性上癮」，問雯雯對方性能力時，佢大方咁話：「你對佢咁有興趣，你應該係佢去社交網！」