黃翊被當紅女歌手街頭藐視　講到眼濕濕：唔夠膽同佢哋打招呼　

《流行經典50強》播映以來，先後翻紅了孫耀威、陳曉東，最近就到黃翊。他在節目中唱了《黃昏戀人》、《哭著笑》和《一世濃情》等，不少觀眾覺得他的聲線好像CD一樣靚聲。除了靚聲外，黃翊的經歷亦很有故事，當年除了因和黃寶欣拍拖而被雪外，早前接受《今日VIP》訪問，黃翊亦爆了他曾被某女歌手白眼的經歷，當時主持陳永業問他由力捧歌手變受冷待的味道時，他說：「當年心情十分之差……當時識好多朋友，個個對你面口好好，好nice，但當你慢慢離開，就會發垷嗰啲人面口開始慢慢變，開始嘅時候，『喂！翊仔…』，到之後慢慢呢….連Hello都冇。」

嘗盡人情冷曖，黃翊表示最難受的是俾同行好友藐視，「我試過，曾經我試過有個好好好嘅歌星朋友，我同佢熟到不得了，有啲咩我哋夜晚會傾偈，會問下：『阿翊有啲咩意見畀我…』，嗰位朋友當時要離開某間唱片公司，但又未傾到第二間，嗰陣friend到成日聯絡，亦互相鼓勵，我無話呢個係一個男人呀…..有朝一日佢簽咗唱片公司，仲紅起上嚟，身為朋友嘅我，好開心，有次喺維園跑完步，我行返屋企經過皇室堡，就見到呢位歌手企咗響度，等緊司機接佢，我見到好開心，好耐無見，我即刻走埋去，『喂！你好嗎？你而家好好喎…恭喜妳呀！』但換嚟呢，係點樣呢，佢俾一個好難受嘅表情我…….（黃翊說到這時哽咽）我即時『唔好意思，sorry，我走先…』其實咁多年裏面我唔止遇過一次咁嘅事，我遇過幾次咁唔舒服嘅場面....日後我撞到啲好熟嘅圈內朋友，我唔再夠膽同佢哋打招呼，我唔夠膽喇。」

黃翊被藐經歷尤於TVB的劇情，不少網友看完當然想「猜猜她是誰」，輯錄黃翊所講的特徵如下:

「嗰位朋友當時要離開某間唱片公司，但又未傾到第二間，嗰陣friend到成日聯絡，亦亙相鼓勵」

「我行返屋企經過皇室堡，就見到呢位歌手企咗響度，等緊司機接佢…..」

「有朝一日佢簽咗唱片公司，仲紅起上嚟」

有不少人推測是王菲（當年叫王靖雯），因為1988年黃翊是新藝寶旗下歌手，而同期同公司的女歌手有麥潔文、甄楚倩、王菲等…..而黃翊亦和王菲合唱過《遲到的愛》，當年黃翊和王菲都有不少合照，相信二人的感情都非常不俗，不過亦有粉絲覺得王菲性格高傲，晚上是不會和人傾電話喎….《香港01》就問過黃翊，當日冷待他的女歌手是不是王菲，他只說：「唔係！」相當斬釘截鐵，但是誰呢？黃翊不肯開估，而黃翊亦表示新歌就洽淡中，大家都係注意他的新歌吧。