吳業坤搵停車場要求「女平」　想接「大文豪」衣缽？

吳業坤鍾意食好「西」就係人都知，其手文之誤的嚴重程度簡直世界級，海南雞經一經坤哥手，都可以進化做「海車雞」，Wifi蛋因為被坤哥遺留在機場，結果等太耐孵化了做「wife」。

今次坤哥又出招，想找個平租停車場，不過要的停車場居然唔只想泊車咁簡單，額外條件居然仲要「女平」！心水清的朋友當然知道坤哥又手快快打錯字，不過亦有人忍唔住笑佢幾句，但坤哥回應時又打錯自己做「正人坤弓木」。

因為坤哥實在為大家帶來太多歡樂，好快就有報道和大家分享這份喜悅，坤哥亦都將錯處改正過來，再出兩個新Post，一個是悔改文：「我以後會做打字改正才按發送。」另一個就哭訴申怨：「係自己facebook專頁打錯都話有企圖，自己Facebook ja，私地add 左（咗）做朋友唔係朋友黎（嚟）架（㗎）咩，朋友 我當你一下朋友 朋友我當你一世朋友，唔好話我啦。」不過「私地」依兩隻字似乎都有點問題，坤哥下次出Post要再小心啲喇，或者考慮下將個私人帳戶再set保密啲。