前港姐謝寧落餅店幫手吸客愈做愈有：賣得七七八八
撰文：吳子生
出版：更新：
前港姐謝寧今日（26/1）現身九龍城出席HOY TV全新節目《有種老闆娘2》拍攝錄影。身為6間餅店老闆的謝寧受訪時透露，因疫情轉趨緩和，加上港府鬆綁防疫措施限制，令經濟開始回復正常，生意營業額亦都穩步上揚：「今年真係好咗好多，過年好多香港人都出返晒嚟拜年，環境氣氛都好好，多咗人買禮品去拜年，變咗我哋嘅生意相對嚟講係唔錯。而家店鋪嘅貨都賣得七七八八，因為我哋年中無休，尤其過年會好多人買餅送俾人，連我都要落鋪度幫手，正所謂力不到不為財。」