綠葉王劉桂芳入行35年被封「御用工人」 自爆一個原因抗拒演妹仔
撰文:盧凱瑤
出版:更新:
現年65歲的劉桂芳於80年代入行,至今在無綫(TVB)效力已有35年,經常劇中常見的甘草演員,由於經常飾演妹仔,因此被封為「御用工人」,不過近日她接受演藝人協會訪問,就自爆因為一個原因,導致非常抗拒飾演工人。
劉桂芳分享他們小時候很流行到社區中心上課,當時她選擇三個項目學習,分別是裁剪、土風舞及話劇,就這樣她與演戲結緣:「我第一次踏台板,我仲記得嗰齣戲係《孽海情仇》,當時黃新叔同朱璣導演,同一個倫敦戲院嘅老總嚟睇我嘅演出,黃新叔話我聽,佢哋班人讚做細妹(嘅演員)做得非常之好,仲豎起咗手指公,你話係咪好有滿足感!」
劉桂芳於1988年加入TVB之前,曾經在酒店擔任接待員,後來經吳思遠介紹轉行做化妝,再因司馬燕介紹開始接拍廣告。在短短4年間,她拍過旅行社、首飾、眼鏡等眾多品牌的廣告,堪稱一代「廣告女王」,她回憶起當時的情況:「我當時係拍咗好多好多廣告,但係我冇數過,我都係聽人講『一個香港小姐嘅節目,拍譬如有十二輯(廣告),佢哋話有八輯係我嘅廣告』但係係真定係假,我真係唔知。」不過她認為廣告拍攝生涯有限,所以毅然轉行拍劇,入行後有不少演出機會,參演超過200套劇集演出。
提起劉桂芳就會想起她「御用工人」的稱號,在片中她就提及到名稱的由來,原來當時她在劇集《非常外父》中飾演馬姐的角色,自此之後就有不少人要劉桂芳飾演工人,有一次她在接受傳媒訪問時表示自己最近常常飾演工人:「報紙一賣,全世界都叫我做工人。」不過她表示自己很抗拒飾演工人:「我係一個鍾意演出嘅人,我做過五六套話劇,我做親都係做女主角,但係我做女主角係過咗戲癮,但係你話斟茶遞水,係冇戲癮俾你過,你淨係企喺度,你話係咪好悶。」隨後劉桂芳就搞笑講到:「不過諗到啲錢就唔悶,做一日廳景好過人哋一個月人工。」
點擊下圖看更多上述相關圖片:
+7